Ƀok Trần Tuấn Anh hăm Khul bơ̆ jang hlôi năm sŏh hlôt nhang tơ̆ Hơnih man tơbăt rim Ƀô̆ đô̆i nuih mơng lôch dŏng teh đak groi 468, găh thôn Nậm Ngặt, tơring Thanh Thủy, apŭng Vị Xuyên; năm ngôi, pôk tơmam drăm ăn kang ƀô̆, ƀô̆ đô̆i Khul jang Mŭk drăm vei lăng teh đak 313; năm ngôi, pôk tơmam drăm ăn kang ƀô̆, ƀô̆ đô̆i Kơđông Ƀô̆ đô̆i ‘Măng sơlam Apŭng plenh teh Thanh Thủy; pôk tơmam drăm ăn ŭnh hnam dơnuh, ŭnh hnam đei iŏk yua ăn teh đak, kông nhân bơngai jang ŭnh hnam tơnap tap.

Ƀok Trần Tuấn Anh hôn bơnê dôm tơdrong iŏk đei jơnei hơ iă đơ̆ng Khŭl jang mŭk drăm vei lăng sơlam teh đak 313, hăm tơdrong jang pơrô̆ pơrôp, tơ iung pơjing hơnih jang chĭnh trĭ, vang iung jang atŏk tơ iung mŭk drăm-tơpôl tơklep hăm vei lăng sơđơ̆ng teh đak tơ̆ rim hơnih jang mŭk drăm vei lăng sơđơ̆ng teh đak kơ Quân khu iŏk đei jơnei hơ iă, tơgop lơ̆m atŏk tơ iung atŭm kơ pơđĭ lơ̆m teh đak.