Hop akŏm hlôi akŏm lơ̆m 3 tơdrong tơm ‘noh: rim bơngai jang lơ̆m kŏng đoan tơbăt jơhngơ̆m đon hơpơi ‘meh vă, tơlĕch trong tơchăr, trong jang păng sơkơ̆t hơdăh hơdrin đĭ ai yak hloh tơnap tap ƀơ̆t măt, pơtrŭt kơtang atŏk tơ iung mŭk drăm-tơpôl, lăng truh tơ iung pơjing teh đak Việt Nam pơdrŏng pran kơtang kiơ̆ trong Tơchơ̆t Pơm lêh hop akŏm Đảng ‘măng mă XIII.

Iung pơma pơtôch hop akŏm, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh tơdrong jơnei kơ Hop akŏm tơbăt hơdăh jơhngơ̆m đon hơnơ̆ng tơplih ‘nao, iung jang kơtang đơ̆ng Kuô̆k hô̆i kơ yuơ đei iŏk yua ăn Kon pơlei, kơ khul kŏng nhân. Lui akhan, hăm trong chĕp pơgơ̆r trŏ ƀlep, gơ̆h hơgei đơ̆ng Đảng, tơdrong iung jang hơdoi kơjăp, ‘lơ̆ng hơ iă păng pơđĭ khul chinh trĭ, tơdrong tơgum djru, lăp đon, hơdrin đĭ ai đơ̆ng Kon pơlei, bơngai jang, tơpôl hơnih mơdro sa ưh kơ jor bơ̆n gô yak hloh tơnap tap, tơdrong long, pơgĕnh đei rơvơn, jang kiơ̆ keh đang trong tơlĕch jang atŏk tơ iung Mŭk drăm-Tơpôl sơnăm 2023 păng jăl jang 2021 – 2025.