Tơ̆ jơ tơƀơ̆p, Kơdră chĕp pơgơ̆r Teh đak Tô Lâm pơma tơbăt jơhngơ̆m đon kŭp yom ƀlŏk hơdơ̆r rim ƀô̆ đô̆i nuih mơng pran kơtang lôch dŏng teh đak, kon pơlei, ƀô̆ đô̆i hlôi plang pham lĕch sĕch huŏng ăn Teh đak; pơtruh nơ̆r ƀơ̆r pơma ‘lơ̆ng hơ iă hloh ăn rim Yă mĕ Việt Nam nuih mơng, rim ƀô̆ đô̆ jĭ rơka, ŭnh hnam ƀô̆ đô̆i lôch dŏng teh đak atŭm hăm rim bơngai tang măt nơ̆r apĭnh jet goia pơma dơnuh ‘lơ̆ng hơ iă hloh păng hôn bơnê kơtang hloh.

Kơdră chĕp pơgơ̆r Teh đak athei rim Hơnih Đảng, khul kơdră chĕp pơgơ̆r tơring hơnơ̆ng xek tơlang ‘lơ̆ng dôm tơdrong tơgŭm djru mă kăl bơ̆ jang xek tơlang hơmet pơ ‘lơ̆ng đơ̆ng dôm tơdrong răm đơ̆ng tơblăh vang pơm ăn, năm tơchă, kôch akŏm kơting ƀô̆ đô̆i lôch dŏng teh đak, hăm dôm bơngai đei iŏk yua teh đak tim đei sơng iŏk tơdrong tơgŭm djru tôm tong trong pơkăp tơgŭm teh đak; lăng ba kơjăp hơmet pơ ‘lơ̆ng hơrih sa, vei lăng năng tông jơhngơ̆m jăn ăn dôm bơngai hơdro po, ưh kơ đei bơngai rong ‘me.