Vang hơlêm dôm tơdrong atŭm lơ̆m teh đak sơnăm 2022, Kơdră chĕp pơgơ̆r Kuô̆k hô̆i Vương Đình Huệ akhan, Lào Cai tơgop kơtang lơ̆m tơdrong iŏk đei jơnei kơ teh đak.

Mă kăl, khŭl Ƀô̆ đô̆i vei lăng sơlam teh đak lơ̆m teh đak hlôi đei dôm tơdrong jang hơ iă, nhen “Puih mak Ƀô̆ đô̆i vei lăng sơlam teh đak chhơp jơhngơ̆m đon pơlei”, “Puih mak Ƀô̆ đô̆i vei lăng sơlam teh đak chhơp jơhngơ̆m đon kon pơlei tơring sơlam”, sơng iok pơm kon mŏm ‘nŏh rim kôn mon kon sau tơnap tap, rong ‘me trŭh đe mon tih vơ̆ djơ̆ ‘lơ̆ng. Tơ̆ au, Kơdră chĕp pơgơ̆r Kuô̆k hô̆i Vương Đình Huệ hlôi pôk tơmam drăm ăn Kơđông Ƀô̆ đô̆i vei lăng sơlam Teh đak Bat Xat, Kơđông Ƀô̆ đô̆i vei lăng sơlam Teh đak Y Tý, Kơđông Ƀô̆ đô̆i vei lăng sơlam Teh đak  A Mú Sung, Kơđông Ƀô̆ đô̆i vei lăng sơlam Teh đak Trịnh Tường, Khŭl jang Mŭk Drăm vei lăng sơlam Teh đak 345, ŭnh hnam đei iokl yua ăn teh đak, ŭnh hnam dơnuh, bơngai kŏng nhân pơăng bơngai jang tơnap tap, kon pơlei kon kông.