Iung pơma tơ̆ jơ bơ̆ jang, ƀok Nguyễn Hòa Bình tơbăt, Hơnih tơm Chinh trĭ lăng ba kơjăp găh tơdrong teh tơdrŏ tơ̆ dêh char Kon Tum. Hăm tơdrong teh tơdrŏ roi năr roi lơ ‘măng, tơtil dih băl, ƀok pơkă, Kơdră chĕp pơgơ̆r Đảng, Kơdră chĕp pơgơ̆r tơring păng kon pơlei kăl hơmet pơ ‘lơ̆ng jơhngơm đon hơrih hơdoi hăm tơdrong teh tơdrŏ. Dêh char kăl hơmet pơ ‘lơ̆ng tôch lơ tơdrong bơ̆ jang, pơprŏ jang kăl atŏk tơ iung jăl jang truh ou kơnh găh tơdrong hơrih sa kơ kon pơlei. Vă kơchăng iung jang tơtom tang găn hơlou, pơm dă ƀiơ̆ hiong răm mưh đei teh tơdrŏ, Kơdră jang lơ̆m Hơnih tơm Chinh trĭ Nguyễn Hòa Bình pơma hơdăh, kăl đei rim trong jang vă tang găn hơlou, tơlĕch rim trong jang trŏ lăp, đơ̆ng noh pơtho pơhrăm jang kiơ̆ rim trong chă ming hơmet jĭ jăn, tơgŭm dŏng ou to.