Tang măt ăn kơdră Đảng păng Teh đak păng khul kơpal pơm jang, Kơdră Kuôk hô̆i Trần Thanh Mẫn pơtruh hăm đe kră jang kach mang sơ̆, đe Mĕ Việt Nam nuih kơtang, bơngai linh kon pơlei jang hơgei, bơngai jang nuih kơtang, đe linh jĭ rơka, unh hnam linh lôch tang, bơngai đei kŏng hăm kăch mang dêh char Hậu Giang nơ̆r thơ thâu kăp gĭt păng nơ̆r hmach bơnê tôch gĭt.

Kơdră Kuôk hô̆i sơkơ̆t hơdah, vei lăng năng tông unh hnam linh jĭ rơka, linh lôch tang, unh hnam tơgŭm jơhngơ̆m hăm kăch mang, jing tơdrong tơm nhă đak chăm kơ tu, hmach bơnê đơ̆ng hơdrung hơdrĕch bơ̆n. Đảng, Teh đak hơnơ̆ng tơrĕk truh unh hnam linh jĭ rơka, linh lôch tang, bơngai tơgŭm jơhngơ̆m hăm kăch mang kiơ̆ lơ trong pơkăp jang nhen hơtŏk mŭk drăm – tơpôl tơ̆ tơring, tơgŭm unh hnam mă teh đak tơchơ̆t tơgŭm, unh hnam linh lôch tang, linh jĭ rơka, tơgŭm hnam oei, tơgŭm kon hơ-ioh đe linh jĭ rơka, linh lôch tang hŏk pơhrăm, păng rim sơnăm chă ming hơmet pơsat ƀlŏk tơbăt kơ đe linh lôch tang.