Pơma tơ̆ Kŏng ti JA Solar Việt Nam, Kơdră Kuôk hô̆i Vương Đình Huệ pơma hơdăh, Kuôk hô̆i, Khŭl kơdră teh đak Việt Nam pơma pơkăp ling lang tơplih ‘lơ̆ng hơnih tơmơ̆t jên jang, tĕch mơdro ăn dôm anih mơdro sa găh rim tơdrong jang mŭk drăm, lơ̆m noh đei dôm bơngai tơmơ̆t jên jang teh đak đe, jang đang trong jang tơgŭm, khôi luơ̆t. Kơdră Kuôk hô̆i ‘meh vă Kŏng ti JA Solar Việt Nam iung jang hơdrol lơ̆m tơdrong pơjing cham char bri brăh; jang hơdai hăm dôm anih mơdro sa kơ Việt Nam vă pơm đei dôm tơmam kơmăy kơmŏk tơgŭm, pơjing trong jang hơdai kơjă kăp gĭt.

Ƀlep ƀơ̆t ‘măng âu, Kơdră Kuôk hô̆i Vương Đình Huệ kŭm hăm dôm bơngai jang lơ̆m khŭl bơ̆jang pơjao tơmam asong ăn Kŏng ti JA Solar; pơjao tơmam asong ăn dôm ŭnh hnam đei tơdrong arih sa mơmat tat, ŭnh hnam teh đak tơgŭm ‘moi kiơ̆ Anih jang Mặt trận Tổ quốc Việt Nam apŭng Việt Yên.