Tang măt khŭl kơdră chĕp kơ̆l Đảng, teh đak, Kơdră Kuôk hô̆i hmach thơthou ăn kon pơlei jang ka xăh Bảo Ninh, Đồng Hới sơng sơnăm ‘nao hăm lơ tơdrong hiôk ‘lơ̆ng hloh, đei 1 sơnăm ‘mi rŏ tŏ hơlăng, ka hơdang ƀĕnh kơthŭng păng đei tơdrong arih sa ‘lơ̆ng hloh. Kơdră Kuôk hô̆i ‘meh vă kon pơlei hơtŏk loi dơ̆ng tơdrong 1 ƀơ̆r đon vă yak hloh rim tơdrong mơmat tat. Kơdră Kuôk hô̆i Vương Đình Huệ pơjao 50 tơpu tơmam asong ăn kon pơlei jang ka lơ̆m tơring.

Hơdai lơ̆m năr, Kơdră Kuôk hô̆i Vương Đình Huệ păng khŭl bơ̆jang hlôi năm ngôi, hmach têt, pơjao tơmam Têt asong ăn ŭnh hnam teh đak tơgŭm, bơngai dơnuh hin, kŏng nhân, bơngai jang mơmat tat lơ̆m apŭng Quảng Ninh, Quảng Bình. Kơdră Kuôk hô̆i Vương Đình Huệ athei, dêh char, apŭng hơnơ̆ng bơngơ̆t truh vei lăng tơdrong arih sa kơ kon pơlei đei kŏng, ŭnh hnam teh đak tơgŭm păng grŭp bơngai dơnuh hin, đei tơdrong arih sa mơmat tat.