Lơ̆m dôm khei blŭng sơnăm, tơdrong jang mŭk drăm, tơpôl Cao Bằng hơnơ̆ng tŏk pran ‘lơ̆ng. Dôm tơdrong jŏh ayŏ kơ dŏ xoang, jang pơgang, pơtho pơhrăm, chă tơdrong jang. Vei sơđơ̆ng tơdrong arih tơpôl păng dôm tơdrong jang nai hơnơ̆ng đei tơrek truh, jang tŏk; chinh trĭ tơpôl sơđơ̆ng ‘lơ̆ng, tơdrong sơđơ̆ng teh đak đei vei lăng kơjăp, tơdrong pơvei jang tơbôl đơ̆ng dêh char đei pơih xă.

Kơdră Anih vei lăng hơdrĕch kon kông Hầu A Lềnh athei dêh char Cao Bằng tơlĕch jang mă tôm tơdrong tơchơ̆t đơ̆ng Khul kơdră teh đak. Lơ̆m noh, akŏm jơhngâm hơmet pơ ‘lơ̆ng pơmat tat ăn anih tĕch mơdro, hơtŏk jơhngâm pran, tơgĕch iŏk tơdrong ‘lơ̆ng vă jang atŏk tơiung mŭk drăm, tơpôl kơ dêh char. Kŭm hăm ‘nŏh, dêh char athei jang ‘lơ̆ng tơdrong vei lăng sơđơ̆ng tơdrong arih xa tơpôl, mă loi tơ̆ dôm tơring kon kông đei xa yoa tơdrong tơgŭm, vă pơm tơjur ƀiơ̆ tơdrong ưh hơtŏ băl đơ̆ng kon pơlei.