Tang măt kơdră chĕp kơ̆l Đảng, Teh đak, Quốc hội, Kơdră Quốc hội Trần Thanh Mẫn gơih truh đe Mĕ Việt Nam nuih mơng, ŭnh hnam bơngai đei kŏng hăm teh đak nơ̆r hmach thơ thâu pran jăng grăng hơkâu, hiôk chơt păng jơnei. Kiơ̆ đơ̆ng tơroi tơbăt đơ̆ng kơdră chĕp kơ̆l pơlei tơm Cần Thơ, Kơdră Quốc hội lăng ‘lơ̆ng tơdrong rim sơnăm pơlei tơm Cần Thơ hlôi bơngơ̆t truh, vei lăng ăn ŭnh hnam teh đak tơgŭm hlôi krao hơvơn 9,4 ti hlak jên vă bơngơ̆t ăn ŭnh hnam teh đak tơgŭm.

Tơ̆ hơnăp kơnh, Kơdră Quốc hội Trần Thanh Mẫn athei, Pơlei tơm hơtŏk loi dơ̆ng jang kiơ̆ tơdrong Tơchơ̆t 14 đơ̆ng Ban Bí thư găh hơtŏk loi dơ̆ng tơdrong chĕp kơ̆l đơ̆ng Đảng hăm tơdrong jang bơngai đei kŏng hăm kach mang vă dôm tơdrong jang tơgŭm đơ̆ng Đảng păng Teh đak đei tơlĕch jang tôm truh bơngai đei kŏng. Tơ̆ âu, Kơdră Quốc hội Trần Thanh Mẫn păng Khŭl bơ̆jang hlôi pơjao 50 tơpu tơmam asong ăn đe Mĕ Việt Nam nuih mơng, ŭnh hnam teh đak tơgŭm, bơngai đei kŏng ‘lơ̆ng.