Hăm đon bơnôh kŭp yom păng ƀlŏk bơnê hăm đe linh lôch dŏng teh đak, đe linh kăch mang, kon pơlei băt 'mêm kơ teh đak hlôi lôch hơchăng tơ̆ Côn Đảo, lơ̆m tơdrong ƀrơ̆k kơ jơhngơ̆m, Ƀok kơdră teh đak bơ̆n Võ Văn Thưởng atŭm hăm khul tang măt hlôi truh plang pơkao ƀlŏk tơbăt ăh pơsat Ƀok Tổng Bí thư Lê Hồng Phong, bơngai băt 'mêm kơ teh đak Nguyễn An Ninh, bơngai nuih mơng lôch dŏng teh đak Võ Thị Sáu..., kŭp yom ƀlŏk bơnê kơ dôm bơngai kon gơh rơgei kơ hơdrung hơdrĕch hlôi lôch plang ăn teh đak.

Ƀok Kơdră Võ Văn Thưởng hlôi pơtăm 'long ƀlŏk tơbăt tơ̆ cham Pơsat ƀlŏk tơbăt Hàng Dương. Đơ̆ng rŏng kơ plang hlôt nhang, Ƀok Kơdră teh đak bơ̆n Võ Văn Thưởng păng rim bơngai tang măt kơpal hlôi năm Et yôk kơ đe linh kăch mang păng kon pơlei hlôi lôch plang tơ̆ Côn Đảo, plang hlôt nhang tơ̆ tơmo chih hơnăn tơbăt 2.284 linh lôch dŏng teh đak tơ̆ Anih soi ƀlŏk Côn Đảo.