Tang măt ăn Khŭl bơ̆ jang, ƀok Nguyễn Hoà Bình hôn bơnê kơtang dôm tơdrong jơnei mă dêh char Yên Bái iŏk đei lơ̆m sơnăm au ki, hăm lơ trong tơlĕch jang găh atŏk tơ iung mŭk drăm-tơpôl iŏk đei păng jang keh đang hlŏh nơ̆r tơlĕch, mă kăl ‘nŏh trong pơkăp tơjur dơnuh.

Adoi athei dêh char chă tơchĕng hơlen, lang să dôm trong jang hơ iă, mă kăl lơ̆m rim trong jang tơjur dơnuh vă rim ŭnh hnam dơnŭh, vă jê̆ dơnŭh roi năr roi atŏk tơ iung, yak hlŏh dơnŭh hin. Kơdră dơnơm xek tơlang kơ Dơnŏ anĭh xek tơlang tơm pơma tơbăt jơhngơ̆m đon lui kơ jăp hăm dôm tơdrong hơdrin, hơpơi ‘mĕh atŏk tơ iung, lơ̆m khei năr kơnh, dêh char Yên Bái gô hơnơ̆ng iŏk đei jơnei kơtang hlŏh dơ̆ng, tơgăl jing dêh char atŏk tơ iung “Rơgŏh - ‘lơ̆ng rŏ hơbŏnhen- hơnŭk hơnoa” kiơ̆ trong tơchơ̆t Pơm lêh Hop akŏm Đảng dêh char ‘măng mă XIX tơlĕch ăn.