Gơnơm trong bơ̆ jang tơgum djru, kon pơlei tơring tơnap tap dêh char Gia Lai hlôi đei rơvơn tơmơ̆t jên jang choh jang sa pơm tơlĕch, tĕch mơdro, pơjing tơdrong jang sa, roi năr roi atŏk tơ iung yak hloh tơnap tap, tơgop lơ̆m jang kiơ̆ rim trong tơlĕch jang tơjur dơnuh kơjăp ‘lơ̆ng, tơ iung pơjing tơring tơrang ‘nao. Truh dang ei, Hơnih mong jên tơgum djru tơpôl hlôi tơlĕch ăn truh rim tơring hơtăih yăih dêh char Gia Lai. Akŏp kon jên ăn tŏk iŏk vă jê̆ 16.500 ti hlak jên, hăm hloh 500.000 ŭnh nam dơnuh, vă jê̆ dơnuh păng rim bơngai đei iŏk yua ăn teh đak đei tok iŏk kon jên, lơ̆m ou kon pơlei kon kông tơmơ̆t vă jê̆ mĭnh poăt. Đơ̆ng noh, ŭnh hnam dơnuh kơ dêh char Gia Lai tơjur đơ̆ng hloh 23% lơ̆m sơnăm 2014 jur pă 8% nhen hrei ou.