Tơ̆ dôm 'măng akŏm pơma dơnuh, kon pơlei dêh char Gia Lai chơt hơ iă hăm tơdrong đei jơnei đơ̆ng hop akŏm mă 4 Kuôk hô̆i jăl 15.

Kon pơlei duh bơnê kơ xơnong tơnăp đơ̆ng dôm bơngai tang măt ăn Kuôk hô̆i dêh char Gia Lai hlôi đei lơ tơgop kăp gĭt lơ̆m tơdrong đei jơnei kơ 'măng hop akŏm. Kon pơlei pơtruh lơ tơdrong oei ƀôh tơ̆ tơring, nhen tơrĕk axong jang, hơmet anih jang kăl tơ̆ tơring pơxĕl, mă hăt noh găh trong nơnăm. Tơdrong lôch glơ̆k tơ̆ đak hăm đe hơ-ioh tŏk lơ lơ̆m xơnăm âu ki, ưh kơ măh cham pơhiơ̆ ăn đe hơ-ioh tơring pơxĕl, tơring kon kông. Tơ̆ 'măng pơma đam, lơ kon pơlei duh pơkăl dôm anih jang kơpal đei trong jang xơđơ̆ng găh tĕch phŏng rei, tơmam choh pơtăm vă kon pơlei xơđơ̆ng pơm jang.