Mă hơdăh ‘noh, chih jô̆ đơ̆ng Anih vei lăng kon pơlei dêh char Kon Tum ăn ƀôh dôm anih jang găh Anih vei lăng kon pơlei dêh char, Anih vei lăng kon pơlei dôm apŭng, pơlei tơm, Anih vei lăng kon pơlei dôm xăh hlôi hơmet pơ ‘lơ̆ng mă đei hloh khei ‘năr pơkăp 18.394 hla ar hồ sơ lơ̆m akŏp kơsô̆ 235.871 hla ar hồ sơ. Kăl kơ lăng truh đei 2.429 hla ar hồ sơ đĭ hloh khei ‘năr pơkăp mă lei tam mă đei hơmet pơ ‘lơ̆ng.

Hơnih pơvih pơvăn bơ̆ jang teh đak dêh char Kon Tum

Tơ̆ hơnăp tơdrong ‘nâu, ‘năr 24/10, Anih vei lăng kon pơlei dêh char Kon Tum đei hla ar athei anih jang găh Anih vei lăng kon pơlei dêh char; Anih vei lăng tơring mŭk drăm; Anih vei lăng kon pơlei dôm apŭng, pơlei tơm akŏm hơmet pơ ‘lơ̆ng pơtôch kơsô̆ hla ar hồ sơ hloh khei ‘năr pơkăp hơdrol kơ ‘năr 5/11/2022. Hơdai hăm ‘noh Kơdră Anih vei lăng kon pơlei dêh char Kon Tum kŭm athei dôm anih jang hơtŏk loi dơ̆ng ki luơ̆t, sek phak dôm kang ƀô̆, bơngai jang đei pơm ưh kơ ‘lơ̆ng dăh mă lê̆ hiơ̆, klui lơ ‘măng lơ̆m tơdrong hơmet pơ ‘lơ̆ng hla ar bơ̆ jang. Vei sơđơ̆ng đĭ đăng hla ar hồ sơ bơ̆jang lê̆ hiơ̆, klui adoi athei đei tơroi tơbăt tơblang hơdăh yua đơ̆ng kiơ hăm bơngai chĕp kơ̆l anih jang păng pơm kiơ̆ pơtruh nơ̆r ‘nĕ jô̆ yo hăm kon pơlei, anih jang mơdro sa kiơ̆ ƀlep tơdrong tơ chơ̆t 61/2018 đơ̆ng khŭl kơdră teh đak.