'Nâu jing tơdrong hơvơn kăp gĭt kơlih lơ̆m kơsô̆ măt bơngai hloh 610.000 'nu kơ dêh char Kon Tum, bơngai kon kông đei jê̆ 55% tơdrong hơrih oei tơnap tap păng kơsô̆ unh hnam hin dơnuh đei hloh 95% unh hnam hin dơnuh kơ dêh char.

Vă đei jơnei tơchơ̆t truh sơnăm 2025, dêh char Kon Tum đei đơ̆ng 70% unh hnam kon kông hin dơnuh, tơjê̆ hin dơnuh tơplih đon kơchĕng, hŭt lê̆ khôi kơtul chơdư, hơdrin jang vă klaih đơ̆ng hin dơnuh; hloh 25% unh hnam kon kông hin dơnuh păng tơjê̆ hin dơnuh đei tơdrong hơrih hơtŏk ƀiơ̆, Anih juăt jang Tĭnh uy kơ dêh char Kon Tum tơlĕch lơ trong jang nhen: chĕp vei tơnăp sơnong jang kơ dôm jăl jang hăm pơkăp "Năm truh rim tơring tơteng 'măng rim hnam", " 'Mi hngach đak hram đunh", “tơƀôh trong pơm jang”; jang hadoi dôm Tơchơ̆t jang kơ teh đak…