Anih jang vei lăng kon pơlei dêh char Kon Tum 'nao kĭ pơkăp Tơchơ̆t jang tơgŭm hnam oei ăn 876 unh hnam hin dơnuh păng tơjê̆ hin dơnuh tŏk bŏk oei erih tơ̆ 3 apŭng hin dơnuh kơ dêh char hăm kơsô̆ jên hloh 32,6 tih hlj. Găh tơchơ̆t tơgŭm, hăm tơdrong man hnam 'nao đei tơgŭm ăn 44 trĭu hlj hăm minh unh hnam, lơ̆m noh 40 trĭu hlj iŏk đơ̆ng jên mong Trung ương păng 4 trĭu hlj đơ̆ng jên mong kơ apŭng. Mưh ming hơmet hnam noh rim unh hnam đei tơgŭm 22 trĭu hlj, lơ̆m noh đơ̆ng jên mong Trung ương 20 trĭu hlj păng jên mong apŭng noh 2 trĭu hlj. Dêh char Kon Tum tơlĕch tơchơ̆t truh xơnăm 2025 gô keh đang tơdrong tơgŭm hnam oei ăn 876 unh hnam hin dơnuh păng tơjê̆ hin dơnuh. Lơ̆m xơnăm 2023, dêh char kơchĕng gô tơlĕch tơgŭm ăn 530 unh hnam hin dơnuh, tơjê̆ hin dơnuh bơ̆ hnam oei, lơ̆m noh man 'nao 359 tŏ hnam păng hơmet ming 171 tŏ.