Kon Tum: Tơlĕch jang Khei ‘mêm mơnat sơnăm 2023
Thứ ba, 09:45, 16/05/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Hăm hơnăn “Đơ̆ng jơhngơ̆m đon bơ̆n vang kơrŭn tơ iung pơjing tơpôl ‘mêm mơnat dih băl”, pơgê (15/5), tơ̆ pơlei tơm Kon Tum, Khul Chư pơglang ƀrê dêh char Kon Tum pơgơ̆r Pơm lêh tơlĕch jang Khei ‘mêm mơnat sơnăm 2023, tơbăt 160 sơnăm đei pơjing Khul Chư pơglang ƀrê păng Khei Tơƀang ƀrê apŭng plĕnh teh.
Lơ̆m Khei ‘mêm mơnat sơnăm 2023, Khul Chư pơglang ƀrê dêh char Kon Tum hơdrin tơgŭm đơ̆ng 2.000 truh 3.000 ‘nu bơngai tơnap tap; ming man hơnih ‘mêm mơnat kơjă 150 triu hlak jên; pơm 10 pơbŭng hnam Chư Pơglang ƀrê kơ jă kơjên 300 triu hlak jên; pơtho tơbăt kơtă ăn hloh 1.000 ‘nu bơngai găh tơdrong kăl lơ̆m plang ăn pham.
Iung pơma tơ̆ Pơm lêh tơlĕch jang, Khei ‘mêm mơnat sơnăm 2023, yă Y Ngọc, Kơ iĕng Kơdră chĕp pơgơ̆r Hơnih vei lăng kon pơlei dêh char Kon Tum hôn bơnê kơ Khul Chư pơglang ƀrê lơ̆m Khei ‘mêm mơnat sơnăm 2023 hlôi chă hơvơn iŏk đei vă jê̆ 6 ti hlak jên tơgŭm ăn hloh 11.800 ‘nu bơngai tơnap tap.
Viết bình luận