VOV4.Bahnar - Kơsơ̆ năr 10/1, Kŏng ang dêh char Gia Lai pơgơ̆r Pơm lêh pôk bơnê 35 ‘nu bơngai đei đe yom kơtang lơ̆m tơdrong jang pơ đĭ kon pơlei vang vei lăng sơđơ̆ng tĕh đak jăl jang 2020-2021.

35 ‘u bơngai đei đe yom kơtang hlôi đei sơng iŏk hla bơar pôk bơnê

Lơ̆m khei năr au ki, Kŏng ang dêh char Gia Lai hlôi đei khŭl bơngai kon kông đei đe yom kơtang vang jang tơgŭm ăn. Mă hơdăh, hlôi đei hlŏh 3.000 ‘măng bơngai đei đe yom kơtang iung jang hơlen băt hơdăh tơdrong, pơrô̆ pơrôp, pơtho khan ăn kon pơlei, tơroi tơbăt hlŏh 350 nơ̆r tơbăt. Đơ̆ng nŏh, khŭl bơngai đei đe yom kơtang lơ̆m kon pơlei kon kông tơ̆ dêh char Gia Lai hlôi iung jang hơdoi hăm khŭl kŏng ang păng kơdră tơring vang iung jang pơrô̆ pơrôp, pơtho khan kon pơlei pơm kiơ kơ jăp trong bơ̆ jang đơ̆ng Đảng, khôi luơ̆t kơ Tĕh đak; pơrô̆ hơvơn kon pơlei tơring sơlam tĕh đak vang vei lăng trong sơlam tĕh đak, hơdrơ̆ng sơlam tĕh đak, tang găn đe kơdau jăk tơ̆ tĕh đak đe; pơrô̆ pơrôp, pơtho khan ăn kon pơlei vei răk tơ ƀăk mong rim tơdrong oei sa joăt joe ‘lơ̆ng hơ iă.

Tơblơ̆ nơ̆r: Amazưt