Tơ̆ jơ pơm lêh, tang măt dôm anih jang lơ̆m Grŭp pơjei băl kơsô̆ III - Kŏng đoan bơngai jang kơ teh đak Việt Nam hlôi pơjao jên man hnam ‘mêm mơnat ăn kơ Đoàn viên kŏng đoan Đinh Tân, đei tơdrong arih sa tôch kơ mơmat tat tŏk bŏk bơ̆jang tơ̆ apŭng Đăk Pơ, dêh char Gia Lai. Ŭnh hnam đei 2 ‘nu kon ‘lơ̆p hơnơ̆ng jĭ pơ lŏ, mĕ kră pă jăng kơna klo kăn Đinh Tân ưh kơ đei jên vă man hnam.

Đơ̆ng blŭng sơnăm truh dang ei, Grŭp pơjei băl kơsô̆ III - Kŏng đoan bơngai jang kơ teh đak Việt Nam hlôi tơgŭm jên man dôm jĭt tơ̆ hnam ‘mêm mơnat, pơgơ̆r lơ tơdrong jang tơgŭm hŏk tro dơnuh hin, lĭnh jĭ jăn păng đoàn viên kŏng đoan mơmat tat tơ̆ dôm tơring hơtăih hơtŏ. Ƀlep ƀơ̆t ‘măng âu, Grŭp pơjei băl kơsô̆ III - Kŏng đoan bơngai jang kơ teh đak Việt Nam hlôi asong ăn kon pơlei kon kông đei tơdrong arih sa mơmat tat tơ̆ Gia Lai 300 the ƀao hiêm pơgang.