Mĭnh pôm hnam đei kơjă 60 triệu hlak jên. ‘Nâu jĭ tơmam asong ăn dôm ŭnh hnam teh đak tơgŭm đei tơdrong arih sa mơmat tat, bơngai dơnuh hin, kon pơlei tơring hơtăih hơtŏ kăl kơ đei tơdrong tơgŭm lơ̆m sơnăm ‘nao âu. Jăl jang đơ̆ng sơnăm 2019 truh sơnăm 2023, Kŏng ti tơm jang ŭnh điên tơring tŏk bŏk hlôi tơgŭm man 286 tŏ hnam ‘mêm mơnat asong ăn ŭnh hnam mơmat tat.

Lơ̆m sơnăm 2023, anih jang âu ‘măn hloh 14 ti hlak jên ăn dôm tơdrong jang vei sơđơ̆ng tơdrong arih sa tơpôl. Ƀok Ngô Tấn Cư, Kơdră dơnơm vei lăng Kŏng ti tơm jang Ŭnh điên tơring tŏk bŏk pơma hơdăh, tơdrong jang vei sơđơ̆ng tơdrong arih sa tơpôl ưh khan jing hơnăp jang đĕch mă oei jing nơ̆r pơkăp rim sơnăm đơ̆ng anih mơdro sa hăm tơpôl, vang tơgŭm kŭm hăm rim kơdră vei lăng bơngai dơnuh hin, ŭnh hnam teh đak tơgŭm.