VOV4. Bahnar - Dơnŏ anĭh tơm vei lăng Hnam trương pơtho pơhrăm tơbăt, trong krao tơmơ̆t hŏk đăi hŏk sơnăm 2022 oei vĕi hơnơ̆ng nhen lơ̆m sơnăm sơ̆ păng hơmet ming tŏ sĕt. Mă lei, kiơ̆ đơ̆ng kơdră chĕp pơgơ̆r rim hnam trương đăi hŏk, mă đơ̆ng lăp tơplĭh găh tơdrong kih thuơ̆t, mă lei rim trong vă tơplĭh lơ̆m pơyan krao tơmơ̆t hŏk sơnăm 2022 oei đei ƀơm kơtang trŭh tơ̆ đe hŏk tro păng rim hnam trương, kơna kăl tơroi tơbăt hrôih tơdrong pơkăp krao tơmơ̆t vă rim hnam trương păng đe hŏk tro băt hơdăh. Kiơ̆ đơ̆ng Dơnŏ anĭh tơm vei lăng Hnam trương pơtho pơhrăm, trong tơplĭh ‘nao krao tơmơ̆t hŏk đăi hŏk sơnăm 2022 ‘nŏh hơnơ̆ng jang kiơ̆ kmăi kmŏk pơre nơ̆r, vă pơjing rơvơn hlŏh dơ̆ng ăn hŏk tro păng rim hnam trương đăi hŏk adoi pơm dă ƀiơ̆ chă pơm hăm hla bơar. Dơnŏ anĭh tơm vei lăng hnam trương pơtho pơhrăm tơbăt, gô tĕnh koăng pơjing keh đang trong pơkăp krao tơmơ̆t hŏk sơnăm 2022 vă apĭnh iŏk nơ̆r tơgop kiơ̆ tơdrong tơchơ̆t hơdrol vă tơlĕch pơm kiơ̆.

Tơblơ̆ nơ̆r: Amazưt