Kiơ̆ Tơdrong tơchơ̆t, sơnăm 2024, Kuô̆k hô̆i iung jang dăr lăng 2 tơdrong jang tơm anai. ‘Ngoăih kơ ‘noh, Tơdrong tơchơ̆t jei tơlĕch hơdăh, ‘moi kiơ̆ Tơdrong jang dăr lăng kơ Kuô̆k hô̆i păng dôm tơdrong đei ƀôh yan au, Hơnih bơ̆ jang Chĕp pơgơ̆r Kuô̆k hô̆i, Jơnŭm vei lăng kon kông, rim hơnih bơ̆ jang Kuô̆k hô̆i, Khul kơdră tang măt Kuô̆k hô̆i, bơngai tang măt Kuô̆k hô̆i iung jang hloi pơjing, tơlĕch jang kiơ̆ Tơdrong jang dăr lăng kơ dih, tơbăt pơtôch bơ̆ jang dăr lăng kiơ̆ tơdrong tơchơ̆t kơ khôi luơ̆t.

Hơnơ̆ng tơplih ‘nao, dăr lăng ƀlep păng kiăp, tơƀôh hơdăh hơnih, tơpŭ ƀlep hơnăp jang kơ hơnih bơ̆ jang, rim bơngai păng tơlĕch trong hơnet ming, tơmơ̆t dơ̆ng vă pơm pơkeh trong bơ̆ jang, khôi luơ̆t kơ Teh đak. Năr 9/6, Kuô̆k hô̆i akŏm pơma dơnuh tơ̆ khul hăm lơ tơdrong gĭt kăl; lơ̆m au pơma dơnuh găh trong vă pơjing Khôi luơ̆t groi Teh (hơmet ming), tơdrong vă pơjing Khôi luơ̆t vei lăng năng tông hơnih jang vei lăng sơđơ̆ng teh đak păng hơnih ƀô̆ đô̆i.