‘Noh, Khôi luơ̆t Groi teh (hơmet ming); Khôi luơ̆t Rim hơnih jang ăn tŏk iŏk jên (hơmet ming) păng 3 Tơdrong tơchơ̆t kăl, lơ̆m au đei Tơdrong tơchơ̆t găh mĭnh ƀar trong jang, tơgum djru vă hơmet pơ ‘lơ̆ng tơnap tap, tơhlăk tơhlĭn, pơtrŭt kơtang iung jang kiơ̆ rim Tơdrong jang tơm Teh đak păng Tơdrong tơchơ̆t găh ‘Măng hop akom mă 5, Kuô̆k hô̆i jăl XV.

Năr brei, Hơnih bơ̆ jang Kuôk hô̆i hlôi tơgoăt iŏk, hơmet ming trong vă pơjing Tơdrong tơchơ̆t găh mĭnh ƀar trong jang, tơgum djru vă hơmet pơ ‘lơ̆ng tơnap tap, tơhlăk tơhlĭn, pơtrŭt kơtang iung jang kiơ̆ rim Tơdrong jang tơm Teh đak. Hăm trong jang pơlong năng pơjao ăn apŭng, Hơnih bơ̆ jang Kuô̆k hô̆i drơ̆ng mĭnh nơ̆r rơ̆ih iŏk trong vă jang mă 2 vă jang kiơ̆ lơ̆m Tơdrong tơchơ̆t. Mă lei, tơdrong rơ̆ih apŭng vă jang pơlong năng kăl pơjao ăn Jơnŭm vei lăng kon pơlei kơ dêh char tơchơ̆t, ‘moi kiơ̆ lơ̆m tơdrong yan au kơ tơring vă rơih iŏk ưh kơ hloh 2 apŭng lơ̆m mĭnh dêh char vă jang kiơ̆ trong jang pơlong năng au.