Ah kơsơ̆, rim bơngai tang măt pơma đam tơ̆ hnam akŏm, pơđăp gah minh ƀar tơdrong oei đei nơ̆r pơma phara băl lơ̆m chih akŏm Luơ̆t kơ Dôm anih jang mong jên (hơmet tơplih).

Ah pơgê, Kuôk hô̆i sơkơ̆t gah tơdrong jang kiơ̆ pơkăp jên mong kơ teh đak ah sơnăm 2023, tơchơ̆t asong jên mong trung ương sơnăm 2024 Tơroi gah tơdrong jang kiơ̆ pơkăp jên mong kơ teh đak sơnăm 2023, tơchơ̆t jên mong teh đak, tơdrong asong jên mong trung ương ah sơnăm 2024, Tơchơ̆t trong jang jên hu – jên mong teh đak ăn 3 sơnăm đơ̆ng 2024 - 2026, Ƀô̆ trương Anih tơm jang Jên hu Hồ Đức Phớc ăn tơbăt, Tơmơ̆t lơ̆m jên mong kơ teh đak lơ̆m 9 khei sơnăm 2023 hơtŏ 75% tơdrong chih akŏm, tơdrong hơvơn tơmơ̆t lơ̆m jên mong teh đak đei pơhlom 15% GDP. Tơmơ̆t jên mong kơ teh đak lơ̆m sơnăm tŏk pơhlom  4,6% pơtêng hăm pơkăp hơdrol. Gah yua jên mong kơ teh đak ah sơnăm 2023, đei pơm jang lơ̆m 9 khei hơtŏ 59% pơkăp hơdrol. Sơnăm 2023, pơkăp yua jên mong teh đak pơhlom 4% GDP. Truh hơtuch sơnăm 2023, dôm tơchơ̆t hre kơ Jơnŭm pơgơ̆r teh đak, hre kơ teh đak đe, sơnong kla hre kơtă đơ̆ng Jơnŭm pơgơ̆r teh đak lơ̆m pơkăp mă Kuôk hô̆i asong.