Lơ̆m hop akŏm năr ‘nâu mơ̆n, dôm bơ ngai tang măt Kuô̆k hô̆i pơ ma nuh tơ̆ hnam hôp găh Luơ̆t tĕch mơ dro hăm điên tư (oei chih hơ met) păng Luơ̆t Kơ jă (oei chih hơ met). Adrol kơ ‘nŏh, kơ sơ̆ 10/11, Kuô̆k hô̆i hlôi drơ̆ng nơ̆r ăn tơ drong Tơ chơ̆t găh Trong jang atŏk tơ iung mŭk drăm, tơ pôl sơ năm 2023. Kăl loi ‘nŏh jĭ tơ drong Kuô̆k hô̆i athei jăh sek tơ lang kĕh tơ drong ưh kơ măh pơ gang, tơ mam pơ yoa ăn jang pơ gang.

Tơ drong tơm jing đei tơ drong ưh kơ măh pơ gang, tơ mam pơ yoa ăn jang pơ gang đei Anih vei lăng jang pơ gang akhan yoa đon ưh kơ chăng ‘nŏh tơm. ‘Nŏh jĭ tơ drong pơ gơ̆r chă anih răt iŏk hiơ̆ hyĭn; tam mă jang ‘lơ̆ng tơ drong pơ ma đam găh kơ jă pơ gang kiơ̆ rim tơ drong đei tơ̆ yăn âu; ưh jăh pơ dui hla ar asong yoa pơ gang… Kiơ̆ dôm bơ ngai tang măt, 1 lơ̆m dôm tơ drong tơm pơm tơ lĕch tơ drong ‘nâu đei ƀơm truh trong jang, tơ drong hơ găt đơ̆ng khôi luơ̆t. Yoa thoi nŏh athei hơ met ming mă tơ tom trong jang vă hơ met pơ ‘lơ̆ng dôm tơ drong mơ mat tat, ưh gơ̆h lê̆ đunh tơ drong ưh kơ măh pơ gang, tơ mam pơ yoa ăn tơ drong jang pơ gang.