Pơtoi tơdrong hop akŏm mă 4, pơgê năr 26/10, rim bơngai tang măt pơma đam tơ̆ khul găh Chih akŏm Tơchơ̆t vă rơih tơdrong yua kơsô̆ pơkăp gre hơyuh păng chih akŏm Tơchơ̆t găh minh ƀar trong jang kăp gĭt hơtŏk tơ iung pơlei tơm Buôn Ma Thuột, dêh char Đăk Lăk.

Bộ trưởng Anih tơm Axong jang Nguyễn Chí Dũng tơbang tơdrong chih akŏm Tơchơ̆t găh tơlĕch jang kiơ̆ tơchơ̆t kăp gĭt hơtŏk tơ iung pơlei tơm Buôn Ma Thuột, dêh char Đăk Lăk.

Dôm nơ̆r tơgop pơdrơ̆ng kăl đei Tơchơ̆t găh minh ƀar tơdrong tơchơ̆t kăp gĭt hơtŏk pơlei tơm Buôn Ma Thuột, kơlih âu jing pơlei dơnơm kơ tơring Tây Nguyên, tơroh dôm anih hơtŏk tơ iung kơ tơring Pơbăh Tŏk bŏk, Hơlĕch Pơbăh păng tơring hơnglăh 3 kơ teh đak Lào, Việt Nam, Cam pu chia; kĕ pơlan xă găh mŭk drăm, joh ayŏ, păng đei anih dơ̆ng kăp gĭt găh mŭk drăm tơpôl, xơđơ̆ng teh đak, xơđơ̆ng tơring Tây Nguyên păng jâ̆p teh đak. Bơngai tang măt Lê Ngọc Hải, khul tang măt ăn dêh char Đăk Lăk ră hơdăh, dang ei Buôn Ma Thuột duh oei kơƀah păng tơjruh lơ tơdrong mă hăt noh anih jang, kơyuơ noh chih akŏm tơchơ̆t kăl pơih trong kăp gĭt, hơtŏk vă hơvơn jên jang ăn tơring âu.