Kuô̆k hô̆i tơ chĕng ‘lơ̆ng tơ drong adrin đơ̆ng anih pơ tho pơ hrăm păng tơ drong tơ rĕk đơ̆ng Đảng păng tĕh đak hăm khul thây kô pơ tho pơ ma atŭm. Mă lei, lơ̆m 2 sơ năm 1 puăt âu ki, hăm hlŏh 14 rơ bâu ‘nu thây kô, lơ̆m nŏh mă lơ ‘nŏh kô pơ tho mâm non păng thây kô pơ tho phô thŏng lĕch đơ̆ng Hnam trưng tĕh đak, athei hơ len năng mă ‘lơ ‘lŏ vă gơ̆h đei trong jang lăp hăm tơ drong ‘nâu.        

Bơ ngai tang măt Kuô̆k hô̆i pơ ma nuh tơ̆ Hnam hôp găh mŭk drăm, tơ pôl

Kiơ̆ dôm bơ ngai tang măt, đơ̆ng dang ei truh sơ năm 2026 tơ chĕng adrol gô ưh kơ măh 107 rơ bâu ‘nu thây kô. Kơ sô̆ âu athei đei trong tơ chĕng hơ len chă dơ̆ng bơ ngai pơ tho vă tơ drong hŏk pơ hrăm gơ̆h sơ đơ̆ng ‘lơ̆ng păng vă jang đei dôm tơ drong pơ hnŏng tơ plih ‘nao, hơ tŏk tơ drong ‘lơ̆ng đơ̆ng pơ tho pơ hrăm. Kơ dră tơm vei lăng pơ tho pơ hrăm Nguyễn Kim Sơn tơ blang găh tơ drong ưh kơ măh thây kô, tơ drong pơ dơ̆h jang păng năm jang tơ̆ nai. Găh trong vă jang, ƀok Kơ dră Nguyễn Kim Sơn pơ ma hơ dăh: Anih tơm Chinh trĭ hlôi kĭ ăn 65 rơ bâu ‘nu bơ ngai jang, truh dang ei, Anih vei lăng pơ tho pơ hrăm păng Anih jang nô̆i vŭ dôm dêh char oei chă iŏk thây kô mât pơ tho.