Pơm kiơ̆ tơdrong jang “Jâ̆p teh đak atŭm jơhngơ̆m kơyuơ bơngai hin dơnuh – Ưh đei prơih lê̆ bơngai yơ tơ̆ rŏng” kơyuơ Thủ tướng teh đak tơlĕch jang, Anih mong jên Tơgŭm Tơpôl dêh char  Lâm Đồng jang atŭm hăm rim anih jang chĭn trĭ  - tơpôl lơ̆m tơring pơgơ̆r Giĕng pơkom atŭm jơhngơ̆m kơyuơ bơngai hin dơnuh xơnăm 2023. 

Đơ̆ng rŏng tơlĕch jang, Lâm Đồng hlôi hơvơn kơ rơbâu 'nu bơngai, anih jang lơ̆m tơring vang pơm kiơ̆ hăm kơsô̆ jên akŏm đei lơ̆m 'năr mă blŭng truh kơ 64 tih hlj. Giĕng pơkom atŭm jơhngơ̆m kơyuơ bơngai hin dơnuh kơ dêh char Lâm Đồng pơdui đơ̆ng năr 31/1 truh đĭ năr 7/2. 'Nâu jing xơnăm mă 3 Tơdrong jang pơkom atŭm jơhngơ̆m kơyuơ bơngai hin dơnuh đei pơm jang tơ̆ Lâm Đồng păng hơvơn roi năr roi lơ tơdrong vang jang, pơm kiơ̆ đơ̆ng kon pơlei.