'Nâu jing tơdrong man hnam oei tơpôl mă blŭng kơ dêh char Lâm Đồng đei iŏk jang tơ̆ tơring kon kông. Tơdrong ming man đei jên axong hloh 200 ti hlj, đei man lơ̆m hơgăt teh jê̆ 18.000m2, đei 4 anih chŭng kư kơjung 5 tăl, đei 303 hnam oei tơpôl păng 68 tŏ hnam 'măn tĕch pơdro.

Đơ̆ng rŏng kơ man keh đang păng tơmơ̆t iŏk yua gô axong măh hnam oei ăn pơhlom 1.500 bơngai pơm jang lơ̆m Anih jang kŏng ngĭp Phú Hội păng kon pơlei pơm jang ưh đei pơyua lơ lơ̆m tơring. Pơma ăh lêh pơtơm ming man, ƀok Trần Văn Hiệp, Kơdră Anih jang vei lăng kon pơlei dêh char Lâm Đồng ăn tơbăt, dêh char tŏk bŏk oei akŏm pơm kiơ̆ tơchơ̆t man 2.980 tŏ hnam oei tơpôl đơ̆ng xơnăm 2021-2030, lơ̆m noh đei 500 tŏ hnam oei ăn bơngai jang kŏng nhơ̆n.