Bơ̆ jang tơdrong jang atŏk tơiung hnam oei truh sơnăm 2030, dêh char Lâm Đồng pơhnŏng man ‘nao dang 3.000 tŏ hnam ăn bơngai jang đei jên khei tŏ sĕt, công nhân bơ̆ jang tơ̆ dôm tơring jang kơmăy. Lơ̆m nŏh, đơ̆ng dang ei truh sơ năm 2025 gô đei dang 2.100 tŏ hnam man đang, dang 900 tŏ hnam oei đei vă man pơkĕh đơ̆ng rŏng dơ̆ng.

Truh dang ei, Lâm Đồng ‘nao sơng đei 1 anih tơmât jên jang man hnam oei lơ̆m tơpôl ăn công nhân păng bơngai jang tơ̆ Tơring jang kơmăy Phú Hội, apŭng Đức Trọng. Kiơ̆ ƀok Nguyễn Anh Tuấn, Phŏ Kơdră Anih vei lăng tơdrong jang ming man dêh char Lâm Đồng, kŭm hăm tơdrong pơmat tat mưh sơng bơngai tơmât jên jang, tơdrong tơhlăk tih hlŏh hrei ‘nâu mưh bơ̆ jang dôm tơdrong jang man hnam oei lơ̆m tơpôl ‘nŏh jĭ tĕh vă man.