Ƀlep ƀơ̆t Têt Nguyên đán Quý Mão, Jơnŭm vei lăng ‘long pơglang ƀrrê dêh char Dak Nông jang hơdai hăm dôm bơngai tơgŭm hlôi năm pơjao asong 1.000 tơpu tơmam ăn kon pơlei đei tơdrong arih sa mơmat tat lơ̆m 2 apŭng hơtăih hơtŏ ‘noh Đắk Glong păng Krông Nô. Mĭnh tơpu tơmam đei kơjă 500 rơbâu hlak jên, pơtruh tơmam ‘mêm, tơdrong bơngơ̆t, vang tơgŭm hăm ‘meh vă rim bơngai, rim hnam đei sa Têt ngăl.

Hơdai hăm ‘noh, tơ̆ 5 apŭng dêh char pơgơ̆r “Kơ chơ ‘mêm mơnat” pơtruh dôm tơmam yua kăl ăn kon pơlei đei tơdrong arih sa mơmat tat. Khŭl pơgơ̆r asong 1000 kơ phiê̆u (đei kơjă 600.000 hlak jên 1 kơ phiê̆u) vă kon pơlei chă rơih răt tơmam kơ dih kăl. Liên đoàn lao động dêh char Dak Nông pơgơ̆r Tơdrong jang “ Têt ngôi hơdai - Pơyan puih mak tơklep hơdai” ăn kŏng nhân, bơngai jang đei tơdrong arih sa mơmat tat. Tơdrong jang hlôi pơjao kơ hrĕng tơpu tơmam, hăm akŏp kơjă 180 triệu hlak jên, tơgŭm dôm đoàn viên đei dơ̆ng tơdrong hiôk sa Têt.