Pơma đam gah dôm tơdrong đei tơrĕk truh hơmet pơ-‘lơ̆ng hanh chĭn jên khei, minh ƀar nơ̆r tơgop akhan, chih akŏm luơ̆t tam mă tơchĕng truh tôm tơdrong tơplih âu, pơtih nhen tơrĕk đơ̆ng tơdrong sut lê̆ jên khei tơm hăm minh ƀar tơchơ̆t tơrĕk truh ƀao hiêm xah hô̆i. Kơyuơ noh, kăl hơmet tơplih tơchơ̆t hơmet jên khei pơm trong vă đŏng ƀao hiêm xah hô̆i pơkăl. ‘Nguaih kơ noh, đei nơ̆r pơtruh, adoi kăl hơlen hơdah trong jô̆ jên khei vă pơm trong đŏng ƀao hiêm xah hô̆i; Tơdrong kăl hăm jên khei pơdơh jang, tơgŭm ƀao hiêm xah hô̆i rim khei hăm bơngai jang đơ̆ng anih jang khul linh kŏng an; tơdrong xa ƀao hiêm xah hô̆i minh ‘măng hăm bơngai ưh đei pơtoi đŏng ƀao hiêm xah hô̆i păng pơkăl iŏk ƀao hiêm xah hô̆i minh ‘măng tam mă tôm 20 sơnăm đŏng ƀao hiêm xah hô̆i….

Phŏ Kơdră Kuôk hô̆i Trần Thanh Mẫn sơkơ̆t âu jing chih akŏm Luơ̆t tơnap tap, tơrĕk tih tên truh tơdrong hơrih kon pơlei, adoi nhen truh dôm trong tơchơ̆t jang kơ Teh đak, pơkăl Jơnŭm pơgơ̆r teh đak pơtoi sơkơ̆t tôm tơdrong tơrĕk truh rim tơdrong tơplih, vei sơđơ̆ng tơchơ̆t dôm tơdrong jang, pơkăl hơmet pơ-‘lơ̆ng trong jang ƀao hiêm xah hô̆i kiơ̆ trŏ Tơchơ̆t kơsô̆ 28-NQ/TW đơ̆ng Trung ương.