VOV4.Bahnar - Lơ̆m sơ năm 2022, Anih tơm vei lăng găh tơ mam drăm păng cham char gô pơ jing, pơ truh ăn Kuôk hô̆i Luơ̆t teh ( hơ met ming). ‘Nâu jĭ 1 lơ̆m 9 hơ năp jang tơm đơ̆ng anih jang găh Tơ mam drăm păng Cham char tơ lĕch ăn lơ̆m sơ năm 2022. Kiơ̆ kơ ‘noh, tơ drong tơm hơ met ming akŏm truh chĕng hơ met teh păng tơ lĕch trong jang iŏk yua teh, kơ jă teh păng tơ drong iŏk pơ dreo teh, khei ‘năr pơ kăp gơh iŏk yua teh, khei ‘năr hơ găt iŏk yua teh....’Nâu jĭ dôm tơ drong tŏk bŏk tơ ƀơ̆p lơ tơ hlăk tơ hlĭn, pơm pơ găn ƀơ̆t tơ lĕch jang rim tơ drong jang hơ tŏk tơ iung mŭk drăm tơ pôl tơ̆ rim tơ ring. Kơ dră Anih tơm vei lăng Tơ mam drăm păng Cham char Trần Hồng Hà tơ roi, tơ drong hơ met ming Luơ̆t teh ‘măng âu vă pơm tơ drong lăp luơ̆t tôm ‘lơ̆ng vă vei lăng, iŏk yua đei jơ nei, hơ tŏk đei teh pơm lăp ‘meh vă hơ tŏk tơ iung mŭk drăm tơ pôl, vei sơ đơ̆ng teh đak, vei lăng cham char, pơm lăp hăm tŏ ‘mi kial tơ plih.

Thuem: Tơ blơ̆