Bơ̆ jang tơdrong jang man 1.200 tŏ hnam ăn unh hnam tơnuh, unh hnam pơmat tat găh hnam oei tơ̆ dêh char Đắk Lắk đơ̆ng Anih tơm vei lăng Công an, đơ̆ng blŭng sơnăm 2024, công an dôm apŭng, thĭ xăh păng plt Buôn Ma Thuột tơlĕch man 807 tŏ hnam.

Truh dang ei đei  270 tŏ hnam đĭ man đang bơih, hlôi đei pơjao ăn dôm unh hnam tŏk oei. Jên man 1 pôm hnam tŏ sĕt hlŏh ‘nŏh 80 triu, lơ̆m noh Anih tơm vei lăng Công an tơgŭm 50 triu, oei đei ‘nŏh yoa Công an dêh char Đắk Lắk păng dôm tơring vang tơgop; khul linh công an tơ̆ tơring, dôm unh hnam vang năm man hnam. Dang ei Công an dêh char Đắk Lắk oei adrin pơtho ăn công an dôm tơring hơtŏk hrĕnh tơdrong jang, dăr lăng mă kơjăp vă gơ̆h man đei hnam kơjăp ‘lơ̆ng ăn dôm unh hnam pơmat tat adrol kơ ‘năr 30/10/2024 trŏ hăm nơ̆r pơtho đơ̆ng Anih tơm vei lăng Công an”.