Man dơnâu mong đak rơgoh tơgop hơtŏk pơ-‘lơ̆ng tơdrong hơrih tơ̆ tơring ataih yaih tơ̆ Gia Lai
Thứ bảy, 09:38, 21/09/2024
Lan chih tơblơ̆
Lan chih tơblơ̆
VOV4.Bahnar – Dôm sơnăm kơ âu, dêh char Gia Lai hlôi tơrĕk asong ming man dơnâu mong đak sŏ nhă rơgoh tơ̆ tơring pơsĕl vă hơtŏk pơ-‘lơ̆ng tơdrong hơrih ăn kon pơlei, mă kăl tơ̆ tơring kon pơlei kon kông.
Truh dang ei dêh char Gia Lai đei pơhlom 160 dơnâu mong đak sŏ nhă rơgoh akŏm tơ̆ dôm thôn, pơlei đei yua tơnăp.
Vă dôm dơnâu mong đak rơgoh tơ̆ tơring pơsĕl đei iŏk yua kơjăp, kiơ̆ kơ ƀok Nguyễn Văn Danh, kang ƀô̆ pơgơ̆r gah tơdrong ming man dơnâu mong đak rơgoh lơ̆m Jơnŭm jang vei lăng dôm tơdrong ming man dêh char Gia Lai ăn tơbăt: Anih asong jang gô jang atŭm kơjăp hăm jơnŭm pơgơ̆r tơring păng rim anih vei lăng iŏk yua dơnâu mong đak; hơnơ̆ng chă tơroi tơbăt, hơvơn kon pơlei vei lăng thong đak, hơlen akŏm chă vei lăng kơmăi kơmŏk păng đing đak vă tang găn đak lĕch hram tơ̆ ‘nguaih, vă tơdrong iŏk yua đơnâu mong đak gơh ‘lơ̆ng hloh.
Viết bình luận