VOV4.Bahnar - Lơ̆m 2 năr 27 păng 28/4, tơ̆ pơlei tơm Đà Nẵng, Dơnŏ anĭh bơ̆ jang Khôi luơ̆t kơ Kuô̆k hô̆i jăl XV pơgơ̆r hop akŏm mă 6 lăng hơlen rim tơdrong vă pơjing Khôi luơ̆t jang kiơ̆ Hơtŏ hơnơ̆ng tơ̆ tơring, tơdrong vă pơjing Khôi luơ̆t Dăr lăng (hơmet ming) păng Hla bơar pơtrŭh ăn đơ̆ng Khŭl kơdră Tĕh đak găh pơjing thĭ trân Phương Sơn, apŭng Lục Nam păng Thĭ trân Bắc Lý, apŭng Hiệp Hoà, dêh char Bắc Giang. Tơ̆ Hop akŏm, Khŭl kơdră Dơnpŏ anĭh jang Khôi luơ̆t drơ̆ng nơ̆r tơdrong kăl vă pơjing Khôi luơ̆t Jang kiơ̆ Hơtŏ hơnơ̆ng tơring. Đơ̆ng nŏh tơtom hơmet pơ ‘lơ̆ng jang kiơ̆ jơ̆p jang hăm trong tơlĕch ăn “kon pơlei băt, kon pơlei pơma dơnŭh, kon pơlei jang, kon pơlei dăr lăng, kon pơlei lăng hơlen, kon pơlei đei sa yuơ". Găh Hla bơar vă pơjing Khôi luơ̆t, Khŭl kơdră chĕp pơgơ̆r Dơnŏ anĭh bơ̆ jang Khôi luơ̆t athei Khŭl kơdră Tĕh đak hơnơ̆ng chă tơchĕng hơlen vă tơroi tơbăt dơ̆ng dăh mă hơmet ăn tơl hơdăh trŏ ƀlep hlŏh găh tơdrong tơbăt hơdăh pơtôch jang kiơ̆ khôi luơ̆t.

Tơblơ̆ nơ̆r: Amazưt