Tơroi tơ̆ hop akŏm: Jăl jang 2021-2025, jên đơ̆ng tơdrong jang tơm kơ teh đak gô tơmơ̆t jên jang 138 rơbâu ti hlak jên vă tơgŭm hơdrol hơtŏk tơiung mŭk drăm tơpôl tơring kon pơlei kon kông păng tơring groi kông tơ̆ 3.434 xăh kơ 51 dêh char. Hơdrô̆ tơring Tây nguyên đei 521 xăh, hăm 417 pơlei tôch kơ mơ mat tat đei sa yua.

Vă jên đei iŏk yua ƀlep tơdrong, tơlĕch jang dôm tơdrong jang tơmơ̆t jên jang đei iŏk yua, hop akŏm hlôi ‘măn lơ jơ năr pơma dơnuh, tơroi lơ nơ̆r tơgop lơ̆m dôm tơdrong: pơm thoi yơ hơtŏk hơnăp jang đơ̆ng MTTQ Việt Nam rim tơring lơ̆m jang kiơ̆ păng dăr hơlen jang kiơ̆ tơdrong jang tơm kơ teh đak hơtŏk tơiung mŭk drăm - tơpôl tơring kon pơlei kon kông păng tơring groi kông; hơtŏk ‘lơ̆ng đei yua dăr hơlen đơ̆ng kon pơlei hăm dôm tơdrong jang tơmơ̆t jên jang.