‘Nâu jĭ hơmĕng đơ̆ng kơdră chĕp kơ̆l pơlei tơm Buôn Ma Thuột, dêh char Dak Lak tơ̆ tơdrong jang tơƀơ̆p muh măt, pôk pơ ư sinh viên, hơdruh tơdăm kon kông păng lui khop hơgei sơnăm 2024 pơgơ̆r pơgê brei (31/1). Tơ̆ tơdrong jang, dôm bơngai tang măt đei pơma dơnuh păng răp mơ̆ng dôm nơ̆r tơroi, ‘meh vă đơ̆ng đe sinh viên păng hơdruh tơdăm kon kông, lui khop hơgei.

‘Nâu jĭ dôm bơngai ‘lơ̆ng, đei lơ jơnei hơgei hloh lơ̆m hŏk pơhrăm kŭm nhen tơiung tơdrong jang. Đe sư kŭm tang măt hơdruh tơdăm tơring tơroi đei nơ̆r apĭnh găh tơdrong tơgŭm hăm sinh viên, hơdruh tơdăm kon kông; ‘meh vă sinh viên, hơdruh tơdăm đei tơgŭm gơh tŏk iŏk jên tơgŭm, tơchă ăn tơdrong jang.