Hloh đơ̆ng lơ ‘măng tơgop nơ̆r păng tơgoăt iŏk, truh dang ei, tơdrong vă pơjing Khôi luơ̆t Groi teh (hơmet ming) oei đei nơ̆r pơma phara dih băl đei ƀơm truh tơdrong tơchơ̆t rim trong tơlĕch jang iŏk yua teh lơ̆m pơprŏ iŏk yua teh.

Tơdrong hơlen hơdăh dêh hnang rim trong iŏk yua teh rŏ năng gô pơm ăn tơdrong bơ̆ jang ưh kơ gan ‘lơ̆ng hơ iă, ưh kơ tôm tong dăh mă ưh kơ trŏ lăp lơ̆m tơdrong tơplih tĕnh koăng yan au, pơm tơnap tap lơ̆m tơlĕch jang kiơ̆ păng đei ƀơm ưh kơ ‘lơ̆ng truh tơdrong pơm tơm kơdih păng đei iŏk yua trŏ lăp kơ kon pơlei, hơnih mơdro sa, đei đơ̆ng trong jang au to. Kơ yuơ lơ loh, kăl hơnơ̆ng pơm hơdăh tơdrong pơkăp, trong tơlĕch jang kiơ̆ iŏk yua teh tơ̆ rim hơnih pơprŏ iŏk yua teh. Jei lơ̆m năr au, Hơnih chĕp pơgơ̆r Kuô̆k hô̆i ăn tơgop nơ̆r găh trong vă pơjing Tơdrong tơchơ̆t đơ̆ng Kuô̆k hô̆i găh tơdrong iŏk yua thuê̆ jang sa hơnih mơdro sa kiơ̆ trong tơchơ̆t tang găn pă gan đei hơnih thuê̆ lơ̆m plei teh; Ăn tơgop nơ̆r găh trong vă pơjing Tơdrong tơchơ̆t đơ̆ng Kuô̆k hô̆i găh tơdrong pơlăp jang pơlong năng trong jang tơgum djru tơmơ̆t jên jang lơ̆m bơ̆ jang hăm kmăi kmŏk hơgei; Ăn tơgop nơ̆r găh hla bơar tơbăt bơ̆ jang pơm tŏ sĕt khei ‘năr kla ăn kon jên jang teh đak rim sơnăm…