Năr “Hŏk tro 3 ‘lơ̆ng” đei pơgơ̆r hăm lơ tơdrong jang tôch hơiă nhen: thi pơm pơrŏ kơtrăi; roi tơƀôh tơdrong jang; dôm tơdrong ngôi pơchơt nai, tơƀâp pơma nuh hăm bơngai đei ư hơnhang, hơpăh hŏk ƀŏng ăn hŏk tro pơmat tat hŏk rơgei păng “hŏk tro 3 ‘lơ̆ng”. Hlŏh 1.500 ‘nu hŏk tro tơ̆ dôm Hnam trưng THPT lơ̆m plt Buôn Ma Thuột đei jơ tơƀâp, pơma nuh hăm băl.

“Hŏk tro 3 ‘lơ̆ng” (đei jơhngâm đon ‘lơ̆ng, jơhngâm pran ‘lơ̆ng, hŏk gơ̆h hơgei) ‘nŏh jĭ tơdrong jang tơm lơ̆m tơdrong jang đoan păng khul druh dăm grŭp THPT. Kiơ̆ đơ̆ng tơdrong jang vă chă ƀôh, pôk pơ ư đe hŏk tro đei jơhngâm đon adrin hŏk pơhrăm vă gơ̆h iŏk đei hơnăn “Hŏk tro 3 ‘lơ̆ng”, pơih trong ăn hŏk tro jang kiơ̆ tơdrong jang “Sinh viên 5 ‘lơ̆ng”, “Hŏk tro 3 pơtâp pơhrăm” tơ̆ dôm lăm hŏk kơjung ƀiơ̆. Lơ̆m sơnăm ‘nâu, Trung ương Đoàn jang hơdoi hăm lơ anih pơgơ̆r Năr “Hŏk tro 3 ‘lơ̆ng” tơ̆ 10 dêh char, plt lơ̆m teh đak.