VOV4.Bahnar - Anih jang Unh hơyuh Đăk Lăk 'nao pơm lêh iung ming man hnam kơ eng axong ăn kơ Mĕ Việt Nam Nuih mơng Nguyễn Thị Cự, tơ̆ xăh Hòa An, apŭng Krông Pach. Đơ̆ng xơnăm 2016, PC Đăk Lăk hlôi iŏk rong 'me Mĕ Nguyễn Thị Cự đĭ hnưr erih.

Atŭm hăm tơdrong truh apong, axong jên rong 'me rim khei, Anih jang adoi hơnơ̆ng apinh jet găh jơhngơ̆m jăn, tơdrong erih đon bơnôh vă Mĕ gơh erih hơ iă, grăng pran atŭm hăm kon xâu. Kơyuơ hnam Mĕ oei erih jê̆ 20 xơnăm kơ âu hlôi hư răm, tơnap kơ ming hơmet, PC Đăk Lăk tơgŭm 50 rơtuh hlj atŭm hăm tơring man hnam 'mêm kơ eng 'nao vă ƀônh ăn tơdrong vei rong Mĕ Nguyễn Thị Cự. Hnam đei hơgăt xă 25 m2 hăm tôm tơdrong kăl oei yua đunh đai tai xơnăm.

VOV Tây Nguyên

Tơ blơ̆ nơ̆r: Lan