Khul hlôi pôk ăn pơkao păng tơmam drăm, chă pơma dơnuh hăm yă păng mơ̆ng Yă tơroi găh dôm sơnăm tơblăh vang sơ̆ kơ unh hnam. Khul hlôi hmach chơt hơ iă ƀlep lơ̆m năr lêh 20/10 ăn kơ Yă ling lang pran jăng grăng akou, jing bơngai ‘lơ̆ng rŏ hơbŏ nhen vă kôn mon kon sou kiơ̆ yok rok jơ̆ng. Hơnơ̆ng năm ngôi pơma dơnuh hăm Yă Mĕ Việt Nam nuih mơng ‘noh mĭnh lơ̆m dôm tơdrong jang kăl hloh lơ̆m tơdrong jang lăng ba truh tơdrong hơrih sa tơpôl kơ Hơnih jang ŭnh hơyuh Dak Lăk vă pôk bơnê kơ rim ŭnh hnam đei iŏk yua ăn kech mang, tơgop lơ̆m pơtho tơbăt tơdrong joăt joe “Nhă đak chăm kơtu” kơ hơdrĕch hơdrung. Đei băt lơ̆m 9 khei ou ki, Công đoàn hnam kmăi ŭnh hơyuh Dak Lăk hlôi ‘măn 1 ti hlak jên ăn bơ̆ jang vei lăng năng tông tơpôl lơ̆m tơring păng tơgŭm djru rim tơring răm tŏ ‘mi kial pơrăm sơđơ̆ng hơrih sa.