Ƀar ŭnh hnam đei tơgŭm ming man hnam oei ‘măng mă au ‘nŏh ŭnh hnam yă Lê Thị Hồng - oei tơ̆ Koeng kơphô̆ 8, thĭ trân Krông Năng, apŭng Krông Năng; păng yă Nguyễn Thị Thạo - oei tơ̆ thôn 9, tơring Ea Kly, apŭng Krông Pach.

Pơ đĭ ƀar ŭnh hnam au găh ŭnh hnam dơnuh, hơdro po. Lơ̆m au yă Nguyễn Thị Thạo đei klo lôch dŏng teh đak. Atŭm hăm tơgum djru 1 ŭnh hnam 60 triu hlak jên vă pơm hnam oei, Hơnih jang ŭnh hơyuh oei tơgŭm ming man, dăng chô̆ ŭnh hơyuh dơ̆ng. Lơ̆m jơ ‘năr pơjao hnam oei, Hnam kmăi ŭnh hơyuh Đăk Lăk hlôi pôk ăn tivi vă ŭnh hnam chă lăng hơrih sa hiôk chơt lơ̆m hnam ‘nao. Đei băt, đơ̆ng rŏng ‘măng mă au, Kŏng ty ŭnh hơyuh Đak Lăk tŏk bŏk hơnơ̆ng iung jang hơdoi hăm rim hơnih, tơring tơlĕch jang ming man 3 pơbŭng hnam anai vă pôk ăn dôm ŭnh hnam erih sa tơnap tap hloh.