PC Đăk Lăk Tơplih kơsô̆, pơm trŏ tơdrong kăl hơtŏk mŭk drăm tơpôl
Thứ năm, 14:37, 10/11/2022
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar - Pơm kiơ̆ pơkăp tơplih kơsô̆, truh dang ei, Kŏng ti unh hơyuh Đăk Lăk hlôi keh đang tơroh atŭm hla bar pơkăp hăm jơnŭm pơgơ̆r tơring, iŏk yua chư kĭ kơsô̆ păng hla bar kơsô̆ ăn tôm kang ƀô̆ bơngai jang.
Kơmăi kơmŏk hôp trư̆k twê̆n, bơ̆ jang đơ̆ng ataih đei pơm jang truh tôm anih jang. 100% tơdrong jang unh hơyuh đei pơm jang kiơ̆ pơkăp trư̆k twê̆n jăl 4. 100% hô sơ pơm jang găh tĕch yua unh hơyuh ăn kon pơlei đei xek tơlang kiơ̆ pơkăp điê̆n tưh. Dôm tơdrong jang hơlen kiơ̆ pơkăp kơmăi unh hơyuh duh hlôi đei pơkăp kiơ̆ kơsô̆.
PC Đăk Lăk hlôi keh đang chô̆ dăng trong tơlei unh 110kV kiơ̆ pơkăp GIS, chih akŏm tơdrong kăl iŏk yua kiơ̆ pơkăp WebGIS... Hăm dôm trong jang kơmăi kơmŏk 'nao, Anih jang Unh hơyuh Đăk Lăk pơtoi hơtŏk pơm jang tơplih kơsô̆, pơm kiơ̆ tơdrong chô̆ dăng tơlei unh hơyuh hơbĕch vă 'măn ăn tơmoi yua roi năr roi tơnăp hloh ăn hơtŏk mŭk drăm tơpôl.
Viết bình luận