VOV4.Bahnar - Phŏ Kơ dră Kuôk hô̆i Nguyễn Đức Hải ‘nao đei ‘măng năm tơ mang, hmach têt tơ̆ Gia Lai. Bơ̆ jang hăm Anih vei lăng kon pơ lei dêh char păng Khŭl tang măt kuôk hô̆i dêh char Gia Lai, Phŏ Kơ dră Kuôk hô̆i Nguyễn Đức Hải chih iŏk păng lăng ‘lơ̆ng dôm jơ nei lơ̆m rim tơ drong đơ̆ng dêh char Gia Lai iŏk đei lơ̆m sơ năm âu ki. Mă đơ̆ng jĭ Covid – 19 đei ƀôh krê hơ mơt, mă lei lơ̆m sơ năm 2021, tơ drong iŏk mong jên jang teh đak tơ̆ Gia Lai đei tŏk ‘lơ̆ng. Dêh char hlôi tơ lĕch jên jang hloh 28 ti hlak jên vă tơ gŭm Têt ăn dôm bơ ngai teh đak tơ gŭm, dôm ŭnh hnam dơ nuh hin păng dôm tơ drong jang pơ vih pơ văn Têt.

Phŏ Kơ dră Kuôk hô̆i Nguyễn Đức Hải asong tơ mam ăn kŏng nhân

Jô̆ truh ‘năr 20/1/2022, lơ̆m dêh char hlôi pơ gơ̆r năm ngôi, asong vă jê̆ 33.000 tơ pu tơ mam têt ăn bơ ngai đei kŏng hăm jên hloh 8 ti hlak jên; asong vă jê̆ 62.000 tơ pu tơ mam ăn dôm bơ ngai nai hăm jên vă jê̆ 24 ti hlak jên. Phŏ Kơ dră Kuôk hô̆i Nguyễn Đức Hải hôn bơ nê dêh char Gia Lai hlôi jang kiơ̆ trong jang đơ̆ng Trung ương pơ gơ̆r sa têt sơ đơ̆ng păng ‘mơ ‘met, mă loi ‘noh vei lăng ‘lơ̆ng ăn dôm ŭnh hnam mơ mat tat, ŭnh hnam đei kŏng hăm kach mang.

Thuem: Tơ blơ̆