VOV4.Bahnar  – Pơgê năr 17/10, Thượng tướng Trần Quang Phương, Phŏ Kơdră Kuôk hô̆i hlôi pơma đam hăm bơngai tăh hla jing kang ƀô̆, bơngai jang lơ̆m Kŏng ti hlŏng đak dâu Bình Sơn (Quảng Ngãi).

Tơ̆ jơ pơma dơnuh, lơ bơngai tăh hla tơ̆ Kŏng ti hlŏng đak dâu Bình Sơn tơroi găh tơdrong đei ƀôh tơ̆ Anih jang Mŭk drăm Dung Quất tam đei tơdrong hơtŏk lơ̆m axong jang vă hlŏng đak dâu. Truh dang ei, Teh đak duh tam mă axong jang dơnơm vă pơjing minh anih akŏm hlŏng đak dâu tơnăp kơ teh đak mă hlôi đei hiôk noh đei Hnam kơmăi hlŏng đak dâu Dung Quất bơih. Lơ bơngai tăh hla adoi pơtruh nơ̆r găh kơsô̆ bơngai jang tơ̆ Anih jang Mŭk drăm Dung Quất păng tơ̆ Hnam kơmăi hlŏng đak dâu Dung Quất tih xă mă lei ưh đei hnam oei ăn bơngai jang. Phŏ Kơdră Kuôk hô̆i Trần Quang Phương xơkơ̆t, dôm nơ̆r tơgop đơ̆ng bơngai tăh hla tơ̆ Kŏng ti hlŭng đak dâu Bình Sơn păng akhan, tơdrong akŏm pơma dơnuh hăm bơngai tăh hla găh tơdrong âu noh kăp gĭt vă băt hơdăh tơdrong hơpơi 'moih đơ̆ng bơngai jang 'măn ăn tơdrong hop akŏm mă 4, Kuôk hô̆i jăl 15.  

VOV/Lan tơblơ̆