Phŏ Kơdră Kuô̆k hô̆i Trần Thanh Mẫn hmach thơthou têt tơ̆ Cần Thơ
Thứ sáu, 13:00, 13/01/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - ‘Năr 12/1, Phŏ Kơ dră chĕp kơ̆l Kuô̆k hô̆i Trần Thanh Mẫn năm hơpong, hmach thơ thou têt tơ̆ phương Tân An, kuơ̆n Ninh Kiều, pơlei tơm (plt) Cần Thơ.
Ƀok Trần Thanh Mẫn akhan, hrei ‘nâu tơ̆ plt Cần Thơ oei đei lơ unh hnam mơmat tat, yoa thoi nŏh hơpơi ‘mĕh khul kơdră pơgơ̆r plt tơrĕk hlŏh dơ̆ng truh dôm unh hnam đei kŏng, unh hnam tơnuh, công nhân, bơngai jang vă đe sư đei đon adrin jang, tŏk klăih đơ̆ng tơnuh hin kơjăp ‘lơ̆ng. Atŭm hăm ‘nŏh, bơ̆ jang đei yoa ‘lơ̆ng dôm tơdrong tơgŭm gĭt kăl vă jang atŏk tơiung plt jing tơring jang mŭk drăm pran tơ̆ tơring Tĕh tơ măn đak krong Cửu Long.
Ƀlep ƀât ‘măng mă âu, Phŏ Kơdră chĕp kơ̆l Kuô̆k hô̆i Trần Thanh Mẫn hơpăh 50 tơpu tơmam, 1 tơpu đei kơjă 1,5 triu hlak jên ăn dôm unh hnam đei kŏng, unh hnam tơnuh, công nhân, bơngai jang đei tơdrong arih xa mơmat tat tơ̆ phương Tân An, kuơ̆n Ninh Kiều, plt Cần Thơ.
Viết bình luận