Gơmăng ‘năr 11/03, kiơ̆ jơ tơ̆ tơring, Hop akŏm Grŭp ngĭ viê̆n apŭng plenh tĕh (IPU) ‘măng mă 146 pơgơ̆r tơ̆ anih tơm Manama kơ tĕh đak Bahrain. Hăm hơnăn “tưk tơiung tơdrong arih xa hơdai rơngei hiôk hian păng rim tơpôl mât hơdai hăm đĭ đăng bơngai: tang găn tơdrong ưh băt ‘mêm băl”, IPU-146 sơng đei dang 2.000 ‘nu bơngai tang măt truh đơ̆ng vă jê̆ 140 tĕh đak, lơ̆m nŏh đei 44 ‘nu Kơdră Kuô̆k hô̆i păng văjê̆ 30 ‘nu Phŏ Kơdră Kuô̆k hô̆i.

Lơ̆m hop akŏm, dôm khul tang măt vă pơma nuh găh đon tơchĕng păng 1,2 tơdrong kăl atŭm nhen vang arih xa hơdai hiôk hian, atŭm hăm ‘nŏh pơma nuh găh đon tơchĕng hăm 1,2 tơdrong kăl ƀơm truh tơdrong tơblăh tơdrŭt lơ̆m mang păng tơdrong yoch, tĕch mơdro đe hơiŏh pơti, tơjur ƀiơ̆ kơchơ̆t các-bon păng tŏ ‘mi kial tơplih, tang găn tơdrong tơroi ưh trŏ, dôm tơdrong tơroi pơm tơblĕk jơhngâm păng chere, jăm joă băl lơ̆m mang.