'Nâu jing khul mĕ kon hơrih gơh rơgei đơ̆ng 39 dêh char, pơlei tơm jang lơ̆m Tơdrong  "Mĕ hơđơ̆ng" kơyuơ Trung ương Jơnŭm jang đe drăkăn Việt Nam tơlĕch. Đơ̆ng rŏng 2 xơnăm tơlĕch, Tơdrong jang đei hloh 32 rơbâu mĕ chĕp kơ̆l; hơvơn đei hloh 115 tih hlj vă tơgŭm vei rong 19 rơbâu 760 'nu hơ-ioh pơti, lơ̆m noh, đei hloh 3 rơbâu 'nu hơ-ioh pơti kơyuơ đơ̆ng pơrang jĭ COVID-19. Phŏ Kơdră teh đak ră hơdăh, tơdrong jang hlôi tơpă jing anih gơnơm pơlan xă đon bơnôh 'mêm kơ–eng ăn đe hơ-ioh pơti lơ̆m jâ̆p tơring teh kơ teh đak.  Phŏ Kơdră teh đak pơkăl Jơnŭm jang đe drăkăn Việt Nam pơtoi tơdrong akŏm pơm jang kơjăp xơđơ̆ng kơ tơdrong jang “Mĕ hơđơ̆ng”. Lơ̆m khei năr truh, Jơnŭm jang đe drăkăn Việt Nam hơlen păng pơlan xă dôm tơdrong jang trŏ ƀlep hăm xơnong jang đei pơjao vă tơgŭm ăn lơ drăkăn, hơ-ioh đei tơdrong hơrih tơnap tap vă đe yĕt hơtŏk tơ-iung xơđơ̆ng 'lơ̆ng rŏ.